趙勁浩玩健身 提升異性緣
周秀娜師弟、有「翻版柯震東」之稱的趙勁浩（阿King），日前為星級化妝師好友Mak Tung的「男士形象工作坊」客串做導師，曾是健身教練的他，向數十名男士示範仰臥起坐、掌上壓等多個健身動作。
阿King表示很多人在健身初期會感到辛苦，其實只是身體未能適應：「只要捱過嗰段時期，之後就係一個享受，我每星期都會定時打籃球同健身，起初都覺得辛苦，但堅持一段時間，見到身形好咗，就會愈做愈有恒心。」阿King又指運動令他的自信心增強不少，甚至有很多女生會問他健身問題。問他可有女生主動追求？他說：「都試過，初時我只係以為佢想問我健身啲嘢，成日打畀我，後來知道佢鍾意我，但係我對佢都冇feel，都好坦白同佢講番，依家大家仲係朋友。」