Mei Mei唔眼紅急起直追

由陳靜師妹Celia K.（郭穎兒）、Mei Mei（曾善美）、Asa（關莉莎）、Ayu（王梓如）及Moka（方媛）組成的性感打碟組合「Voodoo Girls」今年出擊於夜店打碟外，又將出寫真，密密搵銀，五女近幾個月日見夜見，感情躍進，由於Celia K.於隊中的知名度較高，故被其餘成員視為心目中的隊長。

驚做一姐 平輩相交

不過Celia K.對升呢做隊長感到自愧不如，她笑言諗起都怕怕，她笑說︰「嘩，咁叫我好驚，我只係年紀比較大少少，而且之前大家一齊練舞，自己有跳舞同運動經驗，所以同大家分享，但大家都係平起平坐，我唔會覺得係自己話事。」話雖如此，但Asa和Ayu笑指當Celia K.神咁拜，直言對方是組合的生招牌，兩人笑說︰「我哋係新人，佢可以幫我哋吸引更多人目光，而且教了大家好多嘢。」

至於與Celia K.早前孖住出寫真的Mei Mei，看到對方成功彈出，問可會感到嫉妒？她擰頭說︰「我唔會嫉妒，見到佢有咁嘅成績都替佢開心，而且我會鞭策自己更加發憤努力，如果要比較，大家就唔會咁friend啦！」身旁的Celia K.則說︰「我係好好彩，不過我好，大家都好嘅，而且每個人都有唔同嘅工作。」

文︰專案組　

攝︰倪立煌

Celia K.服裝︰SinglelifeDS　

其他成員服裝︰Taobao