鍾嘉欣創意獲青睞袋百萬買樓
向來予人感覺是鄰家女孩的鍾嘉欣，昨搖身一變成為女強人，首度擔任網站的創意總監，七位數字袋袋平安，笑言提早收到聖誕禮物，買樓在望。
藝人鍾嘉欣、名模Mandy Lieu、Rosemary、Jocelyn與夫婿Anthony及林峯堂妹林夏薇，昨日出席Ame www.shopame.com網上鞋履商店及概念店於銅鑼灣舉行開幕儀式，首度亞洲登場，而鍾嘉欣更擔任Ame創意總監一職，將參與公司的未來方向同設計感覺好開心，而且能夠為亞洲女士提供形象服務意念好新。本身沒有讀設計的嘉欣透露今季已設計了兩款鞋，明年會再努力，她說：「細個鍾意畫畫，入行後自己無諗形象，之後覺得一個形象對自己好大影響。」她更謂鞋是女性的好朋友，有一對靚鞋令自己更美。
Mandy荷蘭闖紅燈區
問到酬勞是否很可觀，嘉欣透露酬勞有七位數：「係一份好開心嘅聖誕禮物。（買千五呎樓在望？）係呀，不過都要再努力。」提到聖誕節會否約定緋聞男友伍允龍？她即大遊花園表示，以前聖誕節會開派對，但今年聖誕要開工。早前不慎被拍到打底褲的她，自言很懶，要經理人提點才打底，表示現在會加倍小心。
同場的Mandy Lieu大騷性感，她表示聖誕前會飛荷蘭一星期，第一次在歐洲過冬季，更笑言會去紅燈區見識，她說：「可能我去到會唔夠人哋撼，覺得我唔夠質素。（會唔會揀個荷蘭男仔做男友？）天氣咁凍，包到實晒，電都電唔到啦。」單身的她，自言現在多追求者，多到揀唔到，聖誕將會留港的她，應該可以慢慢揀了。
Jocelyn禁老公跳傘
另外，向來是「愛妻號」的Anthony，表示會送電子產品給Jocelyn做聖誕禮物，更會親自下廚煮火雞，他講笑說：「如果Jocelyn食完後都咁愛我，就真係真愛。」Jocelyn亦大晒幸福表示平時二人喜歡製造小驚喜，聖誕會給夫婿安排一日戶外家庭日，不過當Anthony說想玩跳傘時，Jocelyn即時阻止，表示跳傘會令她擔心，兩人打情罵俏，完全當記者透明。
文：名人組