基仔嫌老土：吞咗點算？

古巨基昨日以代言人身份出席活動，現場設有製作杯麵的工作坊，基仔即場繪畫上他的聖誕版杯麵圖案，並挑選他喜愛的杯麵配菜，親自炮製他的獨一無二杯麵。基仔稱這個最適合做聖誕禮物，小時候他不夠錢買聖誕卡，便會買卡紙自己製作聖誕卡，現時代不同取而代之畫麵來做聖誕禮物。

基仔畫功了得，可會親手畫一個送給「得力助手」Lorraine？基仔笑言：「送一箱畀佢啦！（畫埋心心？）咁老土。（寫字嘞？）咁寫畀心機做嘢啦。」大家提議大可放戒子在杯麵內示愛求婚？基仔即笑謂：「嘩，咁老土嘅劇情都畀你哋諗到，隻戒指食咗落肚點算。（會排番出嚟？）過程齋諗都核突喎。」

基仔稱記得去年已說若到時世界還沒有末日，他才會想人生大事，現距離末日倒數還有9天。即喺22日可追問基仔人生大事？基仔笑言：「嗰日我會匿埋，唔會畀你哋搵到。」

文：音樂組