蕭家浩魔術行善燒燶手

「前港男」蕭家浩（Edmond）早前在籌款節目中出錢出力，除表演唱歌外，更苦練魔術，但Edmond稱練習過程中不慎被輕微燒傷，他說：「因為我唔想正式表演時企棟棟唱歌咁單調，所以我構思咗唱歌加魔術呢個表演環節，為咗正式演出時表現流暢啲，我事前不停練習，但個魔術玩火，初初練會比較難掌握，試過燒傷手同燒燶衫，好在問題不大，傷勢唔算嚴重，我仲逼自己一定要練到個魔術好熟，希望唔使點睇住啲道具，都可以完成到，雖然到咗正式表演時都仲有少少緊張，但總算表演順利，起碼冇再燒燶衫，最重要係今次既可做善事，又可有個機會畀我娛樂大家，一舉幾得，特別有意義。」