許亦妮 四眼揮劍周身痛
前香港小姐許亦妮（Whitney）最近忙於拍攝劇集《師父‧我明白》，第二次開劇的她今次扮演捕快，劇中身手了得，有不少動作戲，還要親身上陣打鬥場面，故沒有武功根柢的她特意秘密練兵。
Whitney早前連續兩天習武，學得維妙維肖，戴上眼鏡學武變成「四眼女俠」的她說：「嗰兩日不停耍劍、踢腿，全身啲肌肉都痛咗幾日，睇人哋拍武打戲就好似好易，但其實背後付出代價好大。」許亦妮好動，夢想做「邦女郎」間諜角色，今次扮捕快先過戲癮，她說：「依家開咗一個月工，但係監製話我把聲太柔弱，搞到依家講嘢都Man咗啲。」