馬國明鬧市被圍 後巷閃人

無綫頒獎禮舉行在即，今年視帝寶座被視為林峯、馬國明（馬明）和黎耀祥之爭。今年馬明獲贊助逾二百五十萬珠寶出席頒獎禮，昨日他前往試戴珠寶時途經銅鑼灣鬧市，即被粉絲要求合照，馬明親民地與粉絲玩自拍，逗留五分鐘，已吸引包括學生、師奶、上班族等近百粉絲包圍，足證馬明粉絲層面廣！有粉絲更向馬明表示：「我好鍾意你套《On Call 36小時》，嗰時日日追，亦有投票撐你做視帝！」期間因聚集人數愈來愈多，有粉絲險遭車撞，馬明眼見漸漸失控即閃入後巷避人群。

隱蔽粉絲多 有力爭雄

雖然有指林峯粉絲多，但馬明坦言自己粉絲一樣多：「林峯可能多歌迷同影迷，我都有好多潛藏嘅fans，唔會輸蝕！今年賽制係一人一票，觀眾都係喺屋企撳掣，所以賽果都好難講！」馬明笑言恨攞獎，但因怕瘀而未敢公然拉票：「我係平常心去面對賽果，但唔好話到我唔要個獎，其實我好恨攞獎，我呢啲未企穩嘅演員都想有個獎去肯定自己。」

馬明揸機，與女學生玩自拍。

馬明希望奪得視帝，證實演技。

剛在馬來西亞《ASTRO頒獎禮》奪視帝的馬明更坦言：「可以喺ASTRO憑《On Call》攞咗視帝，就已經幫我拉咗票啦！」之後馬明落場試戴珠寶，對於一眾網友力撐他做視帝，他即表示：「好多謝佢哋，所以我特登嚟揀珠寶，都係想頒獎禮嗰日輸人唔輸陣，希望到時我個人望落醒神啲！」他更直言如可成功奪獎，亦想送珠寶給媽媽以作為報答。

文：專案組