蔣怡（Coco）前晚出席男友翁狄森（Dickson）旗下珠寶品牌在中環旗艦店舉行的五周年祝酒會，她表示喜歡男友讚她：「有時都逼佢讚我。（有冇逼佢講我愛你？）都會，但佢唔會點講，因為每次我都會感動到喊。」
與男友拍拖十二年的Coco被追問婚期，她笑言要每年簽約：「真係要簽多十二年。（Lisa都生啦，你有冇被人催生B？）努力中，催都冇用，依家睇緊中醫調理身體。」而Dickson則表示未有婚期。
