愛護動物協會會長傅明憲（Gigi），與郭秀雲為聖誕節慈善活動拍下與「仔女」的生活照，愛熱鬧的Gigi會開派對慶祝節日，就連寵物也有P開：「我會喺屋企開狗狗聖誕party，請一班好朋友帶埋自己狗仔出席。」她表示每年聖誕節都與愛犬度過：「有一年帶咗佢哋去美國洛杉磯同屋企人過聖誕，好溫暖。」
至於愛心氾濫的郭秀雲自言對各種類的動物也有興趣：「屋企一定要有動物先似個家，今個聖誕會一家人食聖誕大餐，佢哋唔可以食太多，過吓口癮算。」