徐子淇為仔女擸糧擸水
「千億新抱」徐子淇為怕末日來臨，即使到國外旅行，仍打算帶備水及罐頭，以備不時之需，不過就遭老公李家誠極力阻止，但她仍堅持要帶水及奶粉給子女，果然是廿四孝媽媽！
「千億新抱」徐子淇、九巴後人雷兆光、邱德根孫女邱詠筠，以及包陪麗等，昨日出席「香港藝術中心：12月當代視覺藝術展開幕典禮及晚宴」，以一身懷舊打扮現身的子淇坦言活動主題為70年代，故專誠扮成陳寶珠模樣，並笑言：「好好玩，自己未試過咁樣蠟頭。」她投訴老公李家誠不願穿喇叭褲及戴假長髮，但向記者透露：「但我喺上面已準備好假髮，等佢飲多幾杯就笠落佢度！」
忘記結婚周年紀念
而提到本月15日是她的結婚周年紀念時，她即一臉尷尬地說：「我真係唔係一個好太太，我唔記得咗，反而老公喺我日曆度mark低咗食飯，我要問番秘書先知。」她解釋因三個小朋友於學校有很多表演，加上又要準備下星期一家五口去旅行的事宜，故忙得不可開交。問到老公有否生氣？她笑言：「冇啦，只係有少少愕然。」
她坦言會買一份禮物送給老公補數，問到會否送BB給他？她即拉開話題說：「最近呢，我喺度搞旅行嘢，但身邊嘅朋友因為信末日論而唔去旅行，覺得留喺香港好啲。」
上網搜查愈睇愈驚
子淇坦言自己亦有上網做資料搜查，更愈看愈驚，詢問老公意見時，對方卻說：「唔會，有事嘅全世界都有事啦！」故他們決定去旅行，21日將在空中度過。但她卻自爆自己的「婆仔」性格：「我走咗去掃水同罐頭，諗住帶埋去旅行，點知老公聽到話唔畀，但我會堅持帶奶粉同水畀小朋友。仲買咗電筒同電芯，畀一家五口用。」她坦言認為上天早有主宰，因此大家應該玩自己未玩過的東西，更叫現場記者趕緊去happy！
而同場的雷兆光以一身奪目的黃色套裝現身，他笑言：「套衫喺石板街買嘅，幾百蚊。（多人望？）我冇眼睇。仔女見到都笑到甩褲。」文：名人組