楊洛婷蘇頌輝險死虎口
楊洛婷（Rabee'a）、蘇頌輝（Desmond）日前為無綫節目到野生動物園拍攝餵飼西伯利亞虎的鏡頭時，親身經歷《少年Pi的奇幻漂流》的大鬥老虎場面，最終電影中的奇迹沒有發生到他們身上，當困在生銹鐵籠的老虎獸性大發時，嚇到Desmond和幾位同事立即逃生。相反Rabee'a非常大膽，更主動安慰大家！
藝人楊洛婷、蘇頌輝日前遠赴離哈爾濱約三個半小時車程的度假村，為節目《港生活‧港享受》進行拍攝。二人一直作為介紹奢華生活為主題的電視節目主持人，對拍攝各類吃喝玩樂的節目駕輕就熟，當他們和攝製隊到附近一個野生動物園，拍攝餵飼西伯利亞虎的鏡頭時，Desmond和幾位同事就不幸被老虎嚇親。
一擁而上
因當時有同事用棍吊着疑似白兔的物體向老虎餵食，吸引數隻老虎跟住，而且更發現獸籠有點生銹，已令該同事嚇一跳。其後又有人拋生雞餵老虎，又吸引到數十隻老虎一擁而上。Rabee'a憶述指：「都幾震撼，如果遲多少少啲老虎可能會衝到埋嚟！」講到當時情況，Desmond仍相當肉緊：「我即刻大聲制止攝製隊繼續拍攝，叫大家快啲逃離現場！」
安慰同事
相反Rabee'a就表示自己沒有很害怕：「嗰陣我喺另一邊同老虎影緊相，我就唔係好驚，可能因為我唔係第一次拍旅遊節目，慣咗！（Desmond有冇即刻保護女同事？）冇喎！佢自己都驚，有女同事驚到全身震晒，都係我攬住佢！」十足少年Pi一樣非常大膽！
文：影視組