Jeremy Tarian同老竇冇偈傾
法國眼鏡設計師Jeremy Tarian原來是國際著名眼鏡設計師Alain Mikli之子，人們常揶揄「成功需父幹」，但他從不靠父蔭，兩年多前更創立自家同名品牌，誓於眼鏡界創一番事業，與父親爭一日之長短！曾於眼鏡奧斯卡的巴黎Silmo眼鏡展榮獲Silmo金獎殊榮的他，今年更獲溥儀眼鏡引入香港，擴展事業版圖。
說起與眼鏡的淵源，Jeremy竟笑言與父親毫無關係：「我之前喺德國嘅一間眼鏡品牌做internship，令我對眼鏡產生咗興趣。」所謂「商場如戰場、落場無父子」，Jeremy坦言自己與父親從不談及眼鏡的事宜，更笑言：「佢都係喺眼鏡舖度見到我嘅品牌，先知我嘅眼鏡正式發售。」而問到他最渴望為誰設計眼鏡？他表示最希望為流行歌手Adele設計眼鏡：「我覺得佢喺舞台上有啲Lady GaGa嘅感覺，我會為佢設計一副鏡框係好搶眼嘅顏色，但係襯好深色嘅鏡片。」
