戴展國鬧爆亞視冇誠信
向來被指內部運作混亂的亞視，繼早前因職員疏忽導致多名來自內地的亞洲先生逾期居留後，前亞生冠軍戴展國日前爆料指自己本來獲邀出席亞生頒獎禮任表演嘉賓，怎料他由大連來港後才獲知「被飛」，他直斥亞視無誠信：「咁大間公司都無交帶！」
今屆亞洲先生爆發連番是非，近日亞視再因「亞洲先生」惹風波，1998年參選亞視首屆舉行的《香港先生競選》並奪冠軍的戴展國，日前接受本報訪問時斥亞視冇誠信，他表示在亞生決賽舉行半個月前，有亞視職員致電邀請他以第一代亞生身份出席頒獎禮，並有表演環節，當時身在大連的戴展國表示會度期配合，其後親口答應，怎料抵埗後他被通知取消該環節，亦已用不着他。
「打畀佢哋先講」
由於戴展國已為此節目來港，無故被飛感到氣憤，他表示自己長期在內地工作，今次來港向劇組請假，他認為應該提早通知他，他說：「我覺得亞視處理得好差，佢哋要取消個環節，相信唔係決賽當日先知，應該係一早就知，點解唔早啲同我講，等我向劇組請晒假，仲要我主動打畀佢哋先咁講，（有冇賠番錢畀你？）冇人同我道歉，莫講話賠錢，我真係覺得取消個節目唔緊要，只要講一句就明白，一間咁大嘅公司都冇交帶，好失望。」
戴展國透露以前亞視亦有邀請他來港，雙方雖沒有簽訂合約，但亦覺得口頭協議會互相尊重，他表示若日後亞視邀請他都會三思，不想再浪費時間和金錢。而亞視公關就有關風波表示不太清楚，只說：「可能係溝通上嘅問題啦，但都要查清楚來龍去脈先可以再回覆。」
文：專案組