關詠荷寸歐陽震華NG王
關詠荷與歐陽震華當年合作的《陀槍師姐》系列成為無綫收視保證，這對「黃金拍檔」十多年後再度合作，獲得無綫錫住用，每日拍攝一組戲，有足夠時間休息。關詠荷取笑Bobby多年也沒變的是拍劇一樣多NG。
歐陽震華（Bobby）、關詠荷、黃智賢、苟芸慧、羅莽等昨日為新劇《情逆三世緣》進行開廠拜神儀式。關詠荷久休復出再為無綫拍劇，獲無綫錫住每日只開一組戲，認真舒服，她說：「咁同以前比係舒服啲，依家一日拍一組戲，不過，都唔慣O架，日日都要拍通宵。」關詠荷與歐陽震華對上一次合作要數《陀槍師姐II》，她取笑Bobby多年來也沒有變：「佢一樣咁多NG，隨便講四個字塞番啲位就當係。」講到有指政府若再發出免費電視牌照，亞視有機會倒閉，曾効力亞視的關詠荷說：「負面去睇係有機會，正面去睇可能會積極啲呢，希望亞視可以企番起身啦。」
希望每覺8小時
被笑NG頻繁的Bobby指現時《情》只拍廠景，仍夠時間休息，問他可會爭取保持足夠休息時間？他說：「爭取還爭取，但係得唔得呢，自己只係想每日有8個鐘休息，其實都做足16個鐘。」
談到發牌風波，Bobby贊成增發免費電視牌照，可增加多些新面孔的演員，而他不信發牌會令亞視倒閉：「要執一早執咗啦，有時做生意唔係講賺錢，可能人哋老闆其他地方賺到錢，當慈善機構咁做呢。」
此外，敖嘉年、鄭子誠、羅莽和楊秀惠不約而同指以觀眾立場來說，不會反對政府再發免費牌照，而且即使有新電視台出現也威脅不了無綫的領導地位，並認為有競爭也會有進步。
文：影視組