祖兒樂壇成績表攞頭彩
樂壇天后容祖兒前晚在《2012年TVB8金曲榜頒獎典禮》連奪四獎成大贏家，當中包括第六次捧走「最受歡迎女歌手獎」，為年尾一連串樂壇頒獎禮先攞頭彩，揭開勝利序幕。「最受歡迎男歌手獎」得主林峯，全晚捧走三獎，成為男歌手中的贏家。
祖兒、林峯、蔡卓妍、泳兒、鄧紫棋及陳法拉等前晚出席《2012年TVB8金曲榜頒獎典禮》，祖兒憑《霧裏看花》奪得「金曲獎」及「金曲金獎」、再憑《牆紙》奪「全球觀眾最愛粵語歌曲獎」，更以勢如破竹之態，第六次捧走「最受歡迎女歌手獎」。
今年第一張樂壇成績表已取得驕人成績，祖兒謙虛的說：「多謝大家，好開心，希望可以承你哋貴言，唔覺唔覺，原來今年我都plug咗十二首歌，其實我只係出咗一隻碟，另外唱咗啲廣告歌，我都幾鍾意今年嘅嘗試，係個好好嘅經驗。」
林峯掃三獎
談到近日曾志偉的「食屎狗論」，祖兒說：「幾風趣！（有聯絡Eason？）冇，知佢哋應付到，清者自清，我心裏支持，唔使下下電話嘅！佢處理得好好，幫到件事盡快得到解決。（事件損害藝人形象？）希望大家自己人唔好咁啦，要珍惜，其實嗰件事睇嚟又唔係真，大家知乜事，成件事最好唔好再講，唔好畀啲人得逞！（點睇Eason搵報業評議會投訴，以行動撐太太？）做法無可厚非，畀人出言傷害，點分析都無謂，咁做可以停止各界再揣測。Eason不嬲愛錫佢屋企人，咁做好正常。」
林峯勇奪兩個歌曲獎及「最受歡迎男歌手獎」，被問到對政府增發免費電視台牌照的意見，他支持發牌，豈不是與無綫唱反調？林峯說：「我純粹以觀眾同員工立場，想多啲選擇。（有指亞視會倒閉？）真係o架？每個行業都有淘汰，想要進步應該做好自己，係咪佢哋本身製作要再改善呢？」
文：影視組