阿叻：佢品格有問題
曾與Tommy合作傳緋聞，之後發生不愉快事件的鍾蕙芝（Lavina）昨日接受電話訪問時，對於Tommy涉嫌行騙，她直言對方的行為見怪不怪，大爆Tommy與不少朋友有金錢瓜葛，她說︰「聽聞佢欠好多人錢，今次見怪不怪，若然件事係真，應該對自己做過嘅事負責任，如果係做壞事，就要得到懲罰。」
而前老闆陳百祥（阿叻）亦表示對此略知一二：「佢都唔只一次，又大耳窿又其他嘢，一開始已經知呢個人嘅品格有問題，我從來都冇支持過佢，（有冇聯絡？）冇，我已經放棄呢個人。（關心吓佢？）冇得關心，佢要為自己負責。」