林峯豪送珠寶搶視帝

劇組送驚喜

而前日8日為阿峯的正日生日，他透露當日正身在橫店進行拍攝工作，他說︰「當時拍拍吓，突然間所有劇組人員衝晒出嚟，圍住我跳舞又推蛋糕出嚟同我慶祝，雖然有啲嚇親但都好開心。」問到生日願望是否奪視帝？阿峯表示︰「都係其中之一啦，每年都畀人話大熱，其實有提名已經好滿意。」

完成簽名會後，阿峯要返回內地繼續拍劇，但就表明頒獎禮當晚一定會回港出席，他說︰「始終係一年一度嘅大型節目，而且有冇獎都會趕返嚟多謝所有投過我票嘅朋友。」問到會否倣效黎耀祥般送超市Coupon拉票？他笑說：「咁我送自己代言手錶同珠寶啦。」

林峯與歌迷玩遊戲，氹得歌迷十分開心。

黎耀祥與老婆出席無綫拉票活動。

無時間拉票

另黎耀祥昨日出席無綫拉票活動，對周潤發稱他為視帝大熱感到高興，但祥仔自言無暇拉票，當記者提議他去踩林峯場拉票時，他笑說︰「咪玩啦，其實觀眾自己心中有數。」而同場的劉丹被問到兒子劉愷威傳會在內地出席活動公布婚訊，他說不知道，有與兒子通電話，但他沒有提過。

文：音樂組