葉俊亨肉緊攬嘉欣

馬來西亞歌手葉俊亨（Hank）前晚以新人身份出席新城活動，他即席演唱金曲《高妹》，期間龔嘉欣以一襲橙色女神短裙裝上台伴舞，大晒長腿施誘，辣慶全場歌迷。兩人拖手跳一輪慢舞後，即大跳辣身舞，Hank輕摸伊人面龐及香肩，更深情「互電」，最後「糖黐豆」般攬腰作結。

私下交換聯絡

事後，Hank自爆早已在劇集「睇中」嘉欣：「佢係我心目嘅女神，我好鍾意鼻高高嘅女仔，我哋互相『抄咗牌』！」問他與「女神」跳貼身舞時有否不禁「動L」？他即怕羞仔上身說：「呢啲男人嘢私底下講！」嘉欣則大讚對方有風度，又自詡已是「沒落女神」。有份提名「飛躍進步女藝員」的她睇好對手黃智雯：「佢演技好多元化，我都想佢拎獎！」

文：音樂組