欣宜事業線長有排唱
鍾舒漫（Sherman）、羅力威、馮允謙（Jay）和鄭欣宜等人前晚一同出席音樂會，Sherman頓時變了大師姐，她笑言：「有兩個猛男傍住我都冇咁怯場！」企在身旁的羅力威即賣口乖說：「有師姐喺度安心好多！」Jay亦隨即說：「我叫咗師姐教我跳舞，阿威就教我彈琴。」
同場的欣宜則大呻與韓國班霸Big Bang無緣：「幾個月前已經買咗飛，點知臨時要做嘢！」對於有傳她憑《Miss You》一曲爭勁歌的金曲金獎，她即笑言：「我剛入行未輪到我，仲有排唱！慢慢嚟啦，大家都知我事業線好長o架啦！」