As One嗌到拆天扮內訌
少女組合As One成員Elfa、Shin、Oli及Nata各有撒手鐧，今年由經理人Paco（黃柏高）及郭富城排舞師Sunny提拔出道，四女平均得18歲，自然嘈到拆天，Shin笑言她們每日都鬧交，但幸好沒有隔夜仇：「經理人、同事都話勁嘈，照顧完我哋一日好似虛脫咁！（傾咩多？）關於跳舞或者最近流行啲咩，仲有我哋鍾意喺車度講鬼古！我哋嗌交多數為咗跳舞，希望對方跳得好啲！」
最鬼馬的Elfa笑言她們會扮嗌交，由於表情認真，經常令人以為真內訌！較文靜的Oli則多做聆聽角色：「雖然大家相識唔夠一年，但感情好好，有時瞓瞓下都畀佢哋搞到笑醒！」