影星田啟文（田雞）前晚為支持朋友出席《青年的力量．交響樂的喜悅》古典慈善音樂會，正拍攝賀歲片《我愛HK2013恭喜發財》的他將與復出拍戲的葉玉卿有對手戲。提到早前梁家輝自爆去年拍邵氏賀歲片收不足片酬，田雞揚言每次都收到：「拍之前會知收唔收得足，知道個價先做。（你收足？）我係收到片酬，但唔係自己個公價，基本上志偉叫我做就做，冇傾過價錢，鍾意畀幾多就畀幾多。」
