JJ受害 私隱外洩
歌手狄易達、蔚雨芯（Rainky）及區文詩昨日出席新城活動，其中Rainky透露前日亮相於無綫的音樂頒獎禮記招後，不幸於canteen遺失iPhone手機，雖然已即時通知無綫保安，但未有尋回，她說︰「尋日出席完記招後，離開時搭的士先發覺唔見咗個電話，通知咗保安，但搵唔到。初時想睇閉路電視錄影帶，但程序問題睇唔到，所以最後去咗警署備案。」
沒加密碼鎖
Rainky表示自己首次遺失手機，手機更沒加密碼鎖，問會否擔心手機內的相片外洩？她說︰「手機內無性感相，得屋企全家福，不過擔心同朋友嘅短訊會外洩。（同男仔甜蜜短訊？）只係普通朋友嘅訊息。」她又指遺失所有朋友的電話號碼，當中有不少圈中好友如賈曉晨（JJ）等，問會否擔心影響對方受電話騷擾？她說︰「當然會，但依家冇辦法，惟有自己下次小心啲。」
此外，同場的狄易達今年工作量大增，收入比去年好，問有否買東西獎勵自己？他笑說：「未有諗過買車同買樓，但之前賺錢都用晒去買音樂器材，都用了6位數，所以依家要儲吓錢先。」
文：專案組