祖兒風騷 3Pair行山歎泡菜
沐浴愛河中的天后容祖兒昨日跟男友劉浩龍（師兄）分別出席不同的活動，自從「龍兒戀」公開後，祖兒的心情零舍不同，昨日談到師兄和三對情侶相約行山更是風騷，相反師兄拍拖後態度，當被問到女友的事竟然面紅耳熱，像個怕醜的小男生。
昨晨祖兒跟好姊妹Twins出席大埔一個寵物慈善活動，繼「龍兒戀」曝光後，阿嬌亦坦承與泡菜男K先生的戀情，加埋阿Sa（蔡卓妍）與William（陳偉霆）這一對，她們三對情侶豈不是可以相約行山？祖兒風騷笑說：「帶泡菜去野餐？好少人咁喎。」祖兒表示仍未見過阿嬌的男友，但亦早已知道阿嬌秘密拍拖，阿嬌可有叮囑她要口密不准講？祖兒笑說：「唔需要，我一向唔係大口嘅人，唔想畀人話我係『筲箕口』，反而Mani（經理人）先最筲箕。如果你同我講秘密，我真心，一定唔會講出嚟，但你要同我講聲係秘密囉。」
傻傻哋拒回應
至於師兄昨午於銅鑼灣街頭演唱，舞台對面正好是女友祖兒的巨型品牌廣告牌。問到師兄望住「靚嘢」唱歌？師兄即時意會並尷尬臉紅說：「傻傻哋嘅。」而提到日前他親自下廚煮泡菜鍋，師兄稱因喜歡吃韓國菜，所以嘗試自己煮。煮給女友祖兒吃？他謂：「係煮畀媽咪同細妹，因為我哋都鍾意食辣嘢。（祖兒話煮一餐二人飯搞足成日？）唔講呢啲嘢對唔住。」提到阿嬌拍拖，師兄稱都恭喜對方。三對人去行山？他說：「都唔講呢啲。」而師兄亦被問到何韻詩在台灣夜攬緋聞女友鄧九雲同樣不回應。
古巨基奪金曲
此外，祖兒前晚在《2012勁歌金曲優秀選第三回》中一如本報日前率先披露賽果，她個人連掃三個獎，分別是金曲獎、「最受歡迎廣告歌曲獎」及「最受歡迎華語歌曲獎」，而古巨基也憑大熱歌曲《告別我的戀人們》奪得金曲，但基仔當晚未有接受訪問匆匆離去。