伊健坦承旅行拍蜜照

歌手鄭伊健及林德信(Alex)昨日出席Canon數碼博覽會活動,二人均言喜歡拍照,伊健表示最近喜歡影人:「想影好似劇照咁嘅相,不過人係最難影。(叫女友蒙嘉慧做模特兒畀你影?)唔想影呢啲!想影自然啲嘅表情。(影佢瞓覺?)好毒喎,影完係咪要發上網?」問二人可會拍下親密照?伊健謂旅行時會影:「但自拍會有雙下巴,其實做藝人對鏡頭好敏感,遠處有相機都會知。」

而Alex就言最愛與婆婆自拍:「因為佢行動唔太方便,所以我成日都會挨住佢自拍!」不過以前拍拖時卻甚少影相。