羅仲謙奪男配被催婚
羅仲謙憑劇集《On Call 36小時》擊敗賽前大熱的資深演員古明華和黃智賢，勇奪Astro「我的最愛電影男配角」。謙仔在台上說：「多謝楊怡！」令全場哄動，台下坐在楊怡身旁的林峯即大嗌：「快啲結婚！」謙仔聞言即尷尬傻笑。之後他眼濕濕地說：「我資歷最淺，唔好意思呀咁多位前輩。」
胡定欣則憑《拳王》奪得「我的最愛電視女配角」，她甫上台即爆喊地說：「今年係我入行10年，係好值得紀念。我曾經試過做好多唔同角色，期間唔知點樣突破自己，《拳王》呢個角色對我嚟講好重要。」而「關二哥」梁烈唯和「關二嫂」黃智雯憑《缺宅男女》奪《我的最愛最具潛質男、女藝員》獎。着裙的唯唯興奮地說：「好緊張！入行十幾年嚟第一次攞獎！以前曾試過幻想攞獎，但時間愈長就愈覺得離夢想愈來愈遠，今次真係夢想成真。」穿黑Deep V晚裝、同樣第一次奪獎的智雯上台時更一度激動落淚：「第一次攞到呢個榮譽，真係好值得鼓舞。」
