JC子宮生瘤唔敢畀男友知
Jessica C.（JC）昨日出席商場聖誕活動，表示將與男友回美國過聖誕，笑言美國好凍，屆時會攬實對方送暖，並即時對現場的聖誕老人又錫又攬作預演。
問到子宮瘤一事，她表示初時以為胃痛，又以為係經痛，後來檢查過才知咁嚴重：「但情況未至於好差，但令媽咪擔心，係佢第一個睇張超聲波，因我唔敢睇。（個size幾大？）It's OK， 唔需要做手術，都會定期檢查。」她表示將來都想結婚生BB，故希望子宮冇事。問她是否因壓力所致？她說：「有機會，但應該係女性賀爾蒙問題，我會保持想法正面，時刻保持心境開朗，樣樣事都會OK，（腫瘤會否變大？）有可能，希望唔好發生。」她坦言不想男友擔心，故沒有告訴他，記者笑問有否影響性生活？她說：「我唔知，總之我會好好照顧自己。」
