陳法蓉唔識湊B冇人理
陳法蓉昨日以慧妍雅集97/98年度會長身份出席四川夢想之旅活動，繼兩年前到北京，她表示今次將與身體弱能或傷健的學生到四川旅遊：「睇吓重建後嘅四川同熊貓，學習互相幫忙。（有否深刻體會？）唔單只係幫助別人，都令我學識到點同人相處，要用多啲時間關心佢哋身體同心靈。」
她又稱經常與好姊妹蔡少芬及朱茵相見，笑言二人經常大談湊女經，自己卻搭不上嘴，更坦言也有衝動結婚生仔：「身邊朋友好多都結晒婚同有小朋友，佢哋出親嚟就講奶粉、便便同玫瑰疹，我就會話我都有隻狗，但佢哋都唔會理我，有啲嘢（指結婚生仔）係唔急得。（蔡少芬係咪佗仔？）等佢自己講！」