森美嘆生不逢時飛唔起

前晚「九龍表行」舉行60周年晚宴，不少名人盛裝捧場，包括有英皇鐘錶珠寶主席楊諾思及殘奧金牌得主余翠怡等。其中擔任大會司儀的森美一臉疲態，透露近日忙於宣傳新劇《法網追擊》，問到有否信心角逐台慶頒獎禮獎項？他聽罷即說：「咁遲先上冇得角逐，本來我係第二男主角，可以角逐飛躍大獎，依家冇得提名，覺得自己生不逢時。」

睇見都酸溜溜

森美又坦言感到失望，他續說：「惟有希望套劇反應好，可以夠用一年到下年，依家望住人哋角逐都酸溜溜！（會唔會向TVB投訴？）冇得投訴，有得演已經好好，只係自己生不逢時！」

「九龍表行」集團董事總經理黃錦成（中）由男女模特兒傍實。	楊諾思（中）與「九龍表行」集團董事黃錦輝教授、執行董事黃寶寶合照，並恭賀一番。	C AllStar剛完成演唱會。

力撐子珊松哥

那看好誰是視帝視后？森美自言必撐徐子珊，他說：「我好鍾意徐子珊，之前我寫個廣播劇搵佢演，佢做足晒功課好專業。雖然有網友話佢段輪姦戲太短，冇得滿足到網友咁深入嘅欲望，我覺得嗰段戲都幾難演！」而視帝方面，森美就大讚劉松仁一流，自爆每晚都追看松哥的電視劇；至於最佳主持他就認為應該是自己拿，不過惟有明年努力。

同場的組合C AllStar表示剛完成演唱會，又自爆即吃炸物放肆一番。

文：名人組