黎耀祥笑簽約換獎冇創意

藝人黎耀祥、金剛、小儀等昨日出席無綫飲食節目《街坊廚神食四方》祝捷會，談到有傳陳豪以原價續約TVB兩年以爭奪視帝寶座從而「辣慶」林峯，同是視帝大熱人選的黎耀祥笑言：「你唔早啲問我？我陣間都會同陳豪拍新劇《傳愛事務所》，我幫你問吓佢。」身經百戰的祥仔表示對「簽約換獎」傳聞早已習以為常，還說冇創意：「一年有咁多小生續約，畀得邊個？簽約換獎係最唔可信，不過近年嘅頒獎典禮都好成功製造到茶餘飯後話題。」