Eric爆女人「經」葉佩雯喝收口

日前剛擺婚宴的葉佩雯與郭偉亮昨日現身公開活動，聲沙沙的Grace表示擺酒後便病倒：「前日病到無聲，今日仲係暈暈地。」Eric則自爆因為冇洞房而行衰運，他笑言：「擺酒嗰日DJ Donald話咁多儀式做完，如果唔洞房會行兩星期衰運。唔止佢，好多朋友都咁講。我嗰晚冇洞房，尋日兩個人就鬧交。（咩事鬧交？）無聊事，佢（Grace)心情唔好。所以洞房係一個發洩，冇發洩，屈住咪谷到病。（補番？）一定會。其實我當晚好想，亦好信，不過擺酒後唱K唱到六點，真係有心無力。不過主要係女人事（月事）。」大爆老婆私隱，Grace聞言即叫老公收口，非常搞笑。

唔識邊個黃浩

Grace稱當晚不少朋友催她生仔，大感壓力：「洪天明叫我生B，將來可以有人陪佢個小朋友上playgroup。我唔可以為咗佢個小朋友有人陪而生。」

周汶錡表示生B壓力大。

Eric說擺酒後與好友唱K唱到六點。（資料圖片）

另外，黃浩與徐濠縈和李璨琛太太在instagram爆罵戰，黃浩表示會告她們誹謗，對此，Grace表示不作回應：「如果我再加把口，事件就沒完沒了。唔係事實唔需要澄清，再回應只會做多兩日新聞，所以最好係唔回應。我要用腦諗吓去邊度度蜜月，邊得閒煩啲唔應該煩嘅嘢。」至於有雜誌拍到黃浩疑開派對兼攬女，Grace再次強調不回應，Eric則說：「我唔知呢個黃浩係邊個，我唔識佢。」

周汶錡未玩夠

同場已婚的名模周汶錡表示見到一對對的新人十分感動，但對婚紗有恐懼感，因試得太多。她稱希望妹妹周麗淇早日結婚，但無意做媒人，問到何時生B？她坦言：「畀我玩多陣先，生小朋友好大壓力，總之順其自然啦！」

文：名人組