邵棋棋恨代言內衣32D夠殺

邵棋琪(Monnie)樣靚身材正,她自爆全靠接受豐胸療程上圍才連升兩Cup達32D,更希望靠煞食身材任內衣品牌代言人。但提到整容或隆胸,她卻耍手擰頭謂:「我好驚失敗一世有陰影,我覺得上圍已經夠大!」

擁有32D驕人「胸」器的nowTV主持人Monnie,兩年前開始以六位數字擔任美容院代言人,經常接受豐胸療程的她上圍成功由32B升級至32D。她謂:「兩年前我開始以六位數字擔任美容院代言人,當時我上位只有32B,但Keep住做豐胸療程後,上圍就連升兩級變成32D。上圍唔單只大咗,仲firm咗。」

雖然貪靚,但Monnie揚言絕不接受整容或隆胸手術:「我好驚整容失敗一世有陰影,絕對唔會隆胸,而且我覺得自己上圍都已經夠大。而且我唔係淨係Sell身材,仲可以Sell青春,哈哈!」

皮膚差因禍得福

對自己身材充滿信心的Monnie有意成為內衣品牌代言女王,希望藉此攻入內地市場,她揚言要以周秀娜為目標:「依家內地都有幾間內衣品牌想搵我做代言人,大家都傾緊啲細節。我都想可以成為內衣品牌女王,仲想參與內衣嘅設計工作,都想可以好似娜姐咁。」

Monnie坦言以前皮膚很差,但想不到因禍得福:「最初我皮膚好差,成日爆瘡,所以我就去美容院做facial,點知對方知道我係模特兒之後就請我做代言人,有酬勞之餘仲可以免費做treatment,真係好正!」

Profile

姓名:邵棋琪(Monnie)

年齡:19歲

身高:1.63米

三圍:32D、24、34

簡歷:本為全職模特兒,現為nowTV觀星台擔任主持人,曾演出電影《喜愛夜蒲2》

文:專案組

攝:秦健輝

場地:BeautyPro

造型:張馨

化妝:張艾茜