容祖兒煮二人餐心意唔簡單

天后容祖兒自與劉浩龍（師兄）拍拖後如沐春風，昨日在活動上主動叫歌迷預祝她情人節快樂，又祝願歌迷覓到真愛。祖兒自爆廚藝初起步，曾炮製「二人餐」搞足一日，天后親自下廚，這份心意認真唔簡單。

祖兒昨日為新碟《Moment》於大埔超級城舉行簽名會，現場有聖誕亮燈儀式。而熱戀中的祖兒叫台下歌迷祝她聖誕快樂之餘，亦預祝她情人節快樂，並祝女歌迷找到真愛，全程心情靚爆。

提到下廚，祖兒自爆：「我蒸水蛋都OK，幾滑o架！不過，煮一餐搞咗我成日。（煮幾人分量？）兩個囉！」即時惹來歌迷起哄。事後問到二人餐煮給男友？祖兒甜笑說：「唔記得咯！」

談到祝福歌迷覓得真愛，祖兒表示：「咁人邊個嫌棄真愛？睇住好多女Fans長大擔心佢哋未搵到。（因為你已搵到？）邊關事呢！」而祖兒稱今年會為家中添置聖誕樹，即被取笑已為一棵樹放棄森林，祖兒冧樣笑道：「睬瘟你哋。」

另外提到偶像青雲奪金馬影帝，祖兒謂：「我睇住戲都留意住即時新聞，知道佢攞獎都忍唔住叫咗出嚟，仲有喺自己微博留言恭喜佢。」而何韻詩影后夢碎，可有致電安慰？祖兒稱：「冇呀，杜汶澤我都冇，下次再嚟過啦。」

文：音樂組

容祖兒煮二人餐 心意唔簡單