出爐影帝即開工青雲預告加片酬
首奪金馬影帝的劉青雲前晚出席慶功時，獲太太郭藹明4度吻賀，期間郭藹明又感動得眼濕濕。青雲透露金馬獎座會跟金像獎放在一起，問到再想得甚麼獎？他說：「去得邊度就邊度，瞓醒又做番普通人啦！（安慰失落影后的何韻詩？）落敗我好有經驗，不過佢好堅強嘅！（加片酬？）都可以考慮吓，但要做番咁多嘢，得獎唔代表咩戲都識做！」忙爆的青雲昨日已抵廣州拍電影《逃出生天》，獲劇組為他準備香檳等即場舉行小型「慶祝會」，令他驚喜萬分。
最佳男配角鄭中基透露已有3個月沒跟太太余思敏見面，前晚在房間「密室慶祝」！他昨午返港時透露將與家人食飯，之後便要返橫店開工2個月，獎座則放在父親房間。他又讚女兒腳頭好，正努力追多個。
勇奪最佳動作設計的錢嘉樂表示得獎後即向太太湯盈盈報喜：「佢冇喊，反而笑！（BB女腳頭好？）曾志偉都係咁講。」提到舊愛李珊珊在微博祝賀，嘉樂多謝她關心朋友。
