陳芷敏牛一許願出寫真
冬甩成員陳芷敏（Elke）日前舉行22歲生日會，o靚模好友曾寶玲（Ar Yu）、陶嘉瑩（Elise）及約廿名粉絲現身到賀。Elke收到多份生日禮物，o靚模朋友多送上化妝品，相當實用，其父母更封了大利是，經理人Admond亦送了名牌手袋。不過講到心意，就非其粉絲親製的愛心相冊莫屬，Elke說：「佢哋將我由出道到依家嘅報紙同雜誌相全部剪晒出嚟，整咗一本相簿，為咗答謝佢哋，我有同佢哋逐個影相。」
問到生日願望，Elke就例牌話希望家人同自己身體健康，亦想下年可以單拖出寫真，不過就算要同成班冬甩o靚模影都無所謂，最緊要影得開心，而她將會主持now的全新綜藝節目，有排忙！