翟威廉形象任玩冇得怨

翟威廉昨日出席香港壁球公開賽簽約記者會,曾參加亞洲先生的他對於近日有內地亞生參賽者逾期留港一事,他認為可能是行程太密,一時忘記所致,翟威廉又謂:「下次小心啲囉,最緊要安全,唔好搞大件事,我嗰陣代表香港,內地兩個參賽者好早就返咗去,以前都冇咁多新聞,冇乜人理。」至於亞視早前要求亞生穿三角褲遊街,問可覺亞生不受尊重?他說:「Gimmick啫,參加得都預咗形象交晒畀公司,冇得怨,大家都要互相信任。」

而對於逾期留港一事,亞視公關方面表示現時亞視仍協助入境處調查中,更強調只是協助調查,沒有人被捕。