陳奕迅濠江騷預變雨神
【孔繁栩澳門直擊】陳奕迅（Eason）昨日在澳門舉行演唱會記者會，首次在中午舉行戶外騷的他自嘲為「雨神」：「我幾乎每次做戶外騷都落雨，所以大家記得要帶定雨具。」鬼馬的他又呼籲各位「迅徒」要準時到場，逾時不候，他說：「因為要準時交場，所以冇encore，我盡量唔講嘢不斷咁唱！」
談到好友Eric Kwok周五結婚接新娘，Eason可擔心屆時會被姊妹玩「謝」？他說：「我成日都畀女人玩，屋企兩個工人，又老婆又有個女，三隻狗都係乸。」問到可會幫新郎哥頂酒？他笑言：「我酒量好淺，除非佢哋想我早啲離開啦！」