王君馨處女下海見紅嗌痛

藝人王君馨昨日在白沙灣碼頭拍攝電視劇《法網囂雄》，身穿黑色比堅尼的君馨，處女下海扮捉海膽，色誘單立文（豹哥）、李思捷，君馨處女大解放，搏盡力谷四吋事業線，睇到豹哥目不轉睛。

自爆唔識游水

拍攝時游得有板有眼的君馨原來是不懂游水的，她謂：「其實我驚水！」雖有少少離罩，但君馨指自己已做足安全措施防走光：「黐晒膠紙，泳衣綁得好緊，褲仔都好緊！（拍劇以嚟最性感？）係呀！選完港姐之後都冇着過比堅尼啦！我唔敢食嘢，尋晚（前晚）仲做咗500吓sit up，工作人員都話我瘦咗，好開心！」

身穿比堅尼的王君馨盡顯逼爆身材。

李思捷

被蠔殼刮損腳

拍攝途中，君馨在行落石梯時，不慎被旁邊的蠔殼刮損腳，即場流血，但君馨都忍痛將餘下的鏡頭拍攝完，非常專業！事後君馨表示：「工作人員即刻幫我消毒，拍嗰時啲海水好鹹，整到個傷口好痛！」

另問到好友陳美詩被指整容，對此君馨力撐好友：「佢一向都靚！冇需要整！（網友話陳豪都靚過佢！）竟然？美詩有愛情滋潤靚咗啫！」

文：影視組