陳偉霆趁牛一 帶阿Sa見家長
蔡卓妍（阿Sa）與陳偉霆（William）相戀以來感情穩定，男方更趁昨日27歲牛一，於前晚帶女友見家長晚膳慶生。離開時有男友服侍開車門的阿Sa冧爆甜笑，就連陳母亦笑騎騎，看來對「未來新抱」極為滿意。
阿Sa與William拍拖兩年以來一直甜蜜蜜，由於兩人生日只差一日，昨日27歲生日的William，一早約定阿Sa慶祝牛一，還趁機帶女友見家長。前晚大約7時半，William與阿Sa雙雙離開男方九龍塘寓所，William更駕駛其近百萬元的平治四驅車接載女友，兩人見記者在場時顯得甚為愕然，定過神後兩人便合拍地雙雙望鏡頭微笑打招呼，之後便直駛到上環的酒家。到達後阿Sa先行步入，男友泊好車便急急入內。
無奈獨過12點
William與阿Sa最終逗留至晚上11時半才離開，同場更見William的母親及不少親友陸續步出，原來男友趁生日帶同阿Sa見家長，難怪伊人笑個不停。William更闊綽地給予200元貼士代客泊車，還為女友細心開定車門，逗得阿Sa甜爆冧笑，身後的陳母亦笑得極為開懷，看來對阿Sa這位「未來新抱」極為滿意。可惜因行蹤被發現，原打算與男友共度凌晨12時生日的阿Sa，無奈由男友送返跑馬地香閨，之後William獨自回家。
至於今日30歲生日的阿Sa前日跟約500位fans預祝生日，並收到不少禮物。談到生日願望，阿Sa說：「諗唔到呢個生日會令我好似返去幼兒園時代咁，跟一大班小丸子同學玩，我一定會帶花倫同學返屋企同抱住佢瞓覺。」