千嬅囝囝任閃唔怯
圈中12位龍年靚媽咪，包括兩位天后陳慧琳（Kelly）與楊千嬅，早前以BB親子檔上陣，拍攝慈善月曆。兩人的囝囝均為今次的善舉獻出第一次，千嬅的囝囝盡得父母遺傳極愛望鏡頭，而Kelly的「小龍包」則及時在午睡前完成拍攝。
12位龍年媽咪包括是次活動的發起人谷祖琳、Kelly、千嬅、周家蔚、何嘉莉、楊思琦、陳自瑤、趙頌茹、李樂詩、文頌嫻、朱薰及姚嘉妮，早前為「香港思覺失調學會」籌款，齊齊帶同BB拍攝「2013年XOXO慈善月曆」，並由著名攝影師夏永康（Wing Shya）操刀，月曆將於海港城義賣及舉行相展。
小龍包唔捱得
Kelly抱住細仔「小龍包」劉琛上陣，她說：「小龍包今次係處男下海，佢拍攝嗰時已經有廿幾磅。」當日為Kelly拍攝，只用了很短時間：「拍咗幾個字就完成，小龍包唔捱得，因為嗰段時間佢要瞓晏覺，要快手啲拍。」
至於千嬅就大讚囝囝丁進諾（Torres）乖巧，她說：「我第一次帶囝囝出嚟影相，佢好乖無怯場，係太多閃光燈唔習慣，佢仲同谷祖琳個女排排坐喺度玩，好得意。囝囝有晒爹哋媽咪嘅遺傳，好鍾意望鏡頭。」而谷祖琳十分感激多位龍媽媽的幫忙，她們一聽見是為慈善，就算平日很少曝光的BB，亦都爽快答應參與。
文：名人組