伊健「實現」結婚生
鄭伊健昨日到中環出席Brooks Brothers X 「願望成真基金」聖誕慈善活動，協助患病兒童實現願望。伊健在活動上為三位聖誕心意卡設計比賽得獎的小朋友頒發獎品和獎狀，本身是「大細路」的伊健見到小朋友即親切和他們合照，可謂童心未泯！
曾經是兒童節目主持的伊健自爆有意為小朋友成立一個慈善基金，發揮為善最樂的精神，他說：「呢幾年聖誕我都會去幫小朋友，今年突然有個諗法，想成立一個基金主力去幫小朋友，因為大人有能力幫自己，但小朋友就可能要靠我哋嘅力量去幫佢哋實現願望。」問到喜愛小朋友的伊健自己結婚生仔的願望幾時成真？他即煞有介事地說：「又講？唔係啩！當然呢個係我嘅夢想，不過呢個夢想要慢慢去實現。」
望同兄弟開騷
另外，鄭伊健又透露來年想拉埋一眾兄弟包括陳小春、謝天華、錢嘉樂等齊齊開騷，他說：「大家都有呢個心去搞，志偉之前搵我哋搞咗個聚會坐低傾過，佢話唔好成日講，要畀啲力去做，所以我哋都想試吓出年搞，希望場地方面有期畀到我哋，小春希望個騷嘅收益用來做善事。」
文：音樂組