Iris飲酒壯膽獻第一次

前晚Iris率領師妹許佩榆（Diva）及林宜芝（Monna）一同在酒吧行騷，三人均穿上性感比堅尼上陣，現場不少男客人熱情地歡呼及站起來拍照，與三女距離甚近。現場所見Iris口腫面腫惹來再加工疑雲？她未有正面回應，只說：「可能呢排開心食得多，（着比堅尼行騷怕唔怕走光？）做足安全措施，（擔唔擔心酒客借醉行兇？）都有少少驚！」

約王宗堯試激情戲

為防記者再追問「加工」一事，Iris隨即自爆將會獻出「第一次」，她說：「最近幫公司拍《女生公寓》短片，可能好忙，所以個人水腫。我仲會獻出螢幕初吻同有後樓梯激情戲，對手係王宗堯，依家未開拍。（會唔會搵人練習激情戲？）都好驚，入行咁耐未試過咁多人面前拍呢啲戲，加上又唔識個男主角，所以都特登問佢攞電話，相約去『兇案』現場！」她又謂未試過在如此清醒的情況下與人接吻，故可能要飲酒壯膽。她續說：「我都驚畀男性朋友誤會，呢排好多報道話拍呢啲戲同對手撻着，所以要靠大家幫我備案。」

Monna性感身材成為焦點。	許佩榆big爆身材，大搶師姐風頭。	Iris着比堅尼在酒吧行騷，表示做足安全措施。

Monna望搬屋轉運

而Iris師妹Diva身材同樣「胸湧」逼人，問到是否搶師姐鏡？她即說：「我冇佢咁勁，佢有34E！（有冇份拍女生公寓？）全部人都有。」但記者發現Diva腋下有條疤，惟她解釋是因為借用化妝師的剃刀弄傷所致，問她可有激情戲？在旁的Iris搶答：「辛苦啲留番畀我做。」而Monna則透露早前因打流感針而產生手腳麻痹副作用，現已康復。她表示希望搬屋後風水會好一點。

文：名人組