周秀娜壞腦失珍藏
周秀娜、黃德斌昨日出席「網絡生活iAwards2012」活動，身穿火紅色性感高衩裙的娜姐透露走路時一步一驚心，仍不小心露底！對於網絡世界，娜姐自言是電腦白癡，平日大多以電腦珍藏兒時裸照寫真及網上購物，惟早前電腦壞了遺失所有資料，問到會否補拍？她說：「好珍貴o架喎，一世人一張，係好緊要嘅紀念，梗係唔會補影啦！網上大把我嘅寫真相啦。（叫男友操刀影？）佢影相同電腦都好渣，做運動、射籃球、足球同剪頭髮最叻。」
而德斌則表示忙於為新電影開工，以致前晚亦無暇出席無綫台慶：「我有兩部戲同時拍，其中一部之後仲要封街封橋嚟拍，又有槍戰大場面，都幾興奮，因為好耐冇拍香港大型製作，所以希望拍好啲。」