楊怡徐子珊 未鬥視后先鬥行頭
楊怡和徐子珊兩位「視后」大熱昨日一起出席活動。論行頭，子珊以500萬鑽飾低胸上陣較楊怡優勝。前晚因腳傷而缺席台慶的楊怡，昨日卻穿高跟鞋出席活動，她表示公司也想她休息多些，前晚亦有收看台慶節目，包括陳豪扮她的那個環節：「好多part都好好笑，子珊嗰part都有睇，（冇出席怕唔怕影響視后賽果？）唔擔心，我會積極拉票，志在參與。」楊怡又表示一定會出席台慶頒獎禮：「有獎攞我『兀』都『兀』上台！」她又強調與子珊沒惡性競爭，同場不尷尬。
此外，入圍視后的佘詩曼昨日出席活動時也稱有收看台慶，並透露明年會返無綫拍劇。問她有否信心贏楊怡及徐子珊再奪視后？阿佘表示：「有信心同攞獎係唔成正比嘅，佢哋兩個都做得幾好睇。」
至於另一位候選視后陳茵媺昨日出席活動時表示自己有任何提名都開心，問她會支持楊怡還是子珊？她謂：「唔揀得唔得？到時先啦！（視帝揀陳豪？）我好鍾意佢，但都好鍾意祥哥（黎耀祥），（唔驚陳豪呷醋？）都冇話唔投佢一票。」
