古天樂被困酒店凍到震
古天樂昨日於時代廣場出席「LEGO聖誕村」開幕禮時表示，早前他前赴長白山拍飲品廣告時，竟遇上五十年來最大的風雪！由機場前往酒店的山路就花了兩、三個小時，最後仲被困酒店三日，他說：「酒店啲暖氣焗到我抖唔到氣！惟有開窗瞓，凍到好似露宿街頭咁！之後會搵第二個地方再拍。」聖誕節他就會去泰國拍陳木勝的警匪片。
前晚有舊同學約他邊食飯邊睇《亞洲先生競選》決賽，對於貌似他的「滄桑古天樂」張傳奇被淘汰出局，他說：「我睇睇吓去咗廁所，去完返嚟就唔見咗佢！問番同學先知原來佢已經出咗局。」對於黃曉明拍戲受傷，他勸喻對方要好好處理，否則手尾很長。