官恩娜（Ella）昨早冒住寒風到山頂擔任慈善步行籌款嘉賓，幫助心臟有問題的兒童，她表示做善事不介意，又自爆小時候心臟有小問題，但現已康復。另外，談到日前她被拍得在跑馬地睇千萬豪宅，她表示自己都嚇一跳：「嗰時同個男經紀一齊睇樓，幾驚佢寫我同男經紀有嘢，所以我即刻叫佢行開少少。」問到是否轉新公司「豬籠入水」買樓？她極力否認：「依家樓價太誇張，當晒家當都唔掂！」又稱不會買樓貼仔。
