吳華星日本放笑彈
被網友指禿頭凸腩的亞洲先生（亞生）參選者吳華星，雖然落選，但卻獲日本電視台邀約訪問，堪稱美國普普藝術大師安迪華荷名句：「每人都有十五分鐘成名時間」最佳寫照，他說：「我估唔到外國都留意我，我唔係傳統靚仔，只係想做諧星，33歲前我睇唔起發明星夢嘅人，依家自覺浪費前半生，用晒啲時間讀書，到依家都未拍過拖。」
「非傳統靚仔」吳華星續說：「我未禿頭前都靚仔，有女仔撩傾偈，仲讚我似《對你愛不完》郭富城。（唔食住上拍拖？）因為讀書囉！我有少少宅，鍾意女性做主動，因為我細個被人蝦，大個想人錫，我知咁諗冇人認同，但我想堅持做自己。（想日本妹睇完訪問主動識你？）我知自己事，但若然睇完覺好笑，歡迎多啲留意我！」