天華伊健慘遭絲襪笠頭

錢嘉樂昨早九時半，一身「呆佬拜壽」新郎look，率領鄭伊健、謝天華、洪天明、金剛、王祖藍、阮兆祥、林曉峰等十二「娛圈鬼見愁」，浩浩蕩蕩殺到洲際酒店接新娘，姊妹團嚴陣以待，關寶慧更自爆：「我帶咗四罐啤酒，到時飲得都加入去，醒班兄弟！」

挾持阿佘做人質

嘉樂與兄弟團最終在伊健、天華及王祖藍被絲襪笠頭，金剛與天明被罰食尿片上啡狀物體等「壯烈犧牲」下，成功接得美人歸。一對新人依照習俗斟茶給盈盈父母，盈盈因腹大便便未有跪地，嘉樂說：「接新娘過程好順利！係盈盈百厭，成日裝出嚟睇，姊妹好玩，有『洪興』同『獎門人』班兄弟幫我頂。」

天華（左）與伊健晨早到達酒店，為搶新娘做準備。

嘉樂與伊健等飲加料「人奶」，苦不堪言。

嘉樂續說：「伊健、天華肯絲襪笠頭喎！走廊侍應又幫手開門，我哋入到房捉咗佘詩曼同鍾麗淇做人質，搞到班姊妹要推周家蔚出嚟，因為知我哋唔搞大肚婆。不過我飲嗰杯『文頌嫻人奶』反胃到依家，酸到呢！係咪過期呀？唔好畀BB飲呀！」問到讀愛的宣言有甚麼感覺？嘉樂說：「班姊妹要求咪讀囉！緊要關頭我咪扮咳囉！（阿佘話要99,999開門利是？）我鍾意盈盈都係因為佢手指拗出唔拗入，搵呢班姊妹！好彩佢哋好易呃！」盈盈急忙表心迹，她說：「我幫你o架！我拗入o架！從來未聽過嘉樂講嘢咁冧，又用普通話同英文講咁多次『I love you』！」據知，盈盈一早訓示姊妹要錫住嘉樂，改玩兄弟，故每個兄弟都要絲襪笠頭，再遭姊妹拉扯，接受慘如十大酷刑的懲罰。

一班兄弟戴上黑超，「殺氣騰騰」搶新娘。	嘉樂與盈盈依照習俗斟茶給岳父母。	嘉樂成功過關，奪得美人歸。

金剛剝清光都制

文頌嫻則澄清說：「嘉樂飲嗰杯嘢係溝咗wasabi同腐乳，班姊妹嚇佢至話係『文女啲奶』！其實鄭伊健見到啲玩兄弟嘅道具都想閃，佢知唔對路。（開門利是幾錢？）有兩封，唔知幾錢，交咗畀梁靖琪處理。」金剛雖被罰吃「便便」，但他說：「就算叫我剝清光，唔得都要得，要幫手娶阿嫂嘛！」

文：影視組