關寶慧同華哥做夫妻嗌興奮
關寶慧早前與黃日華、鮑起靜、唐寧、夏雨為城市電訊明年開拍的劇集《歲月樓情》拍攝節目巡禮，已十二年未有在港拍劇的寶慧，今次與「兒時偶像」黃日華飾演兩公婆，坦言相當興奮。她謂：「真係好開心，我屋企仲有華哥十九歲時的珍藏相o架！戲中我同佢、唐寧係三角關係，嗰日同佢開工時佢仲寸我，話唐寧結咗婚、生完都keep得咁好，我未結婚、仔未生都咁嘅身材。」
寶慧表示現時最急切是減肥，因為15日要為湯盈盈的婚宴擔任姊妹團，問她試了姊妹裙未，她謂：「試咗啦！都幾性感o架，我就主力show腳，依家真係要節食同狂做運動。」問她有否信心對抗兄弟團謝天華、洪天明等時，她有信心笑謂：「佢兩個好易搞啫！又易醉，咁渣真係唔應該做兄弟。」