陳茵媺焗索榴槤香

陳茵媺（Aimee）上月中偕林夏薇飛往檳城為無綫節目巡禮拍外景，兩人寓工作於娛樂，盡情享受陽光海灘，大玩水上活動兼勁擦貴價榴槤。外表斯文的她又自爆愛玩刺激的水上電單車：「我超鍾意玩男仔嘢，喺加拿大都一向有玩水上電單車，我仲有諗過考直升機牌！」問到可接受榴槤的味道？她說：「我冇特別鍾意亦唔抗拒，當地人話啲榴槤好貴，試完我又覺得OK。為拍攝我哋買到成車榴槤，仲焗到架車成陣榴槤味！」
陳茵媺試過檳城的榴槤大呼好味。
陳茵媺試過檳城的榴槤大呼好味。

向來不嗜辣的Aimee近日頻頻游走東南亞，笑言已愛上辣：「出Trip次次都食辣，不知不覺愛上咗！返到香港唔食都會囉囉攣，可能環境唔同，喺嗰邊食皮膚都唔會變差。」至於新劇中，Aimee與林夏薇將飾演一對由互不相識的甩拖友到外地散心，其後變成好姊妹，Aimee更會跟當地男生發展異地戀。

Aimee與林夏薇拍外景十足度假一樣。
  • Aimee與林夏薇拍外景十足度假一樣。