嘉玲但求精彩 包養霆鋒

影后劉嘉玲、惠英紅、葉德嫻與謝霆鋒等,昨日為星光大道打手印留名,以表揚他們對電影業的貢獻。嘉玲坦言最希望與霆鋒合作電影,只要劇本夠精彩,即使飾演母子、家姐甚至要包養他亦沒有問題!

劉嘉玲昨日與惠英紅、葉德嫻、謝霆鋒、古天樂和任達華打手印,問到嘉玲最希望與哪一位已打手印的明星合作?她直言個個都想,唯一不想與梁朝偉合作:「同佢唔work o架,王家衛都試過,其實係冇火花,只係得啖笑就完結,太熟點可以扮新識?」嘉玲坦言最希望與霆鋒合作,大讚他經歷過很多,由激阿媽到生性,人亦變得成熟、溫柔,她說:「做佢阿媽、家姐都得,包養佢又得,只要故事精彩吸引。」她又透露偉仔仍要為《一代宗師》開工,應該仲有兩日戲。

原來霆鋒一直希望與嘉玲合作,但卻不敢開聲,他說:「其實『包』嘅題材會幾好睇,因社會上有呢啲事發生,佢有貴格味,我又夠爛仔。(投資開拍?)冇資格,請唔起!(你收平啲或唔收錢?)惟有係囉。」

葉德嫻恨做港女

而惠英紅自言與霆鋒似樣,亦希望與他飾演母子,對於可以打手印留名,她說:「得到這個榮譽很開心,稍後會偷偷到星光大道欣賞。」同場的葉德嫻笑言恨演o靚模或港女的角色,在旁的任達華則希望可以合作,在雪中拖手。而剛從泰國拍戲回港的古天樂,透露戲中要拍火災、爆破和潛水場面。

文:影視組